பெண்களை செவிடாக்கும் வலி நிவாரண மாத்திரைகள்: ஆய்வாளர்கள் அதிர்ச்சி தகவல்

தலைவலி மற்றும் உடல் வலிக்காக பெண்கள் புழக்கத்தில் இருக்கும் சாதாரணமான வலி நிவாரண மாத்திரைகளை பயன்படுத்தி வருகின்றனர். அவற்றில் பெரும்பாலானவை அவர்களின் காதுகளை செவிடாக்கும் தன்மை கொண்டவையாக உள்ளன.

இதற்கான ஆய்வு 62 ஆயிரம் பெண்களிடம் நடத்தப்பட்டது. அவர்களில் வலி நிவாரண மாத்திரை சாப்பிட்ட 13 சதவீதம் பெண்களின் காது கேட்கும் திறன் குறைந்துள்ளது. அவற்றில் ஒரு ரக மாத்திரையை வாரத்துக்கு 2 தடவை உபயோகித்தால் 24 சதவீதம் செவிட்டு தன்மையும், மற்றொரு ரக மாத்திரையை வாரத்துக்கு 6 தடவை பயன்படுத்தினால் 21 சதவீதம் செவிட்டு தன்மையும் ஏற்படுவதாக அதிர்ச்சி தகவல் வெளியிடப்பட்டுள்ளது.

அதேநேரத்தில் ஆஸ்பிரின் மாத்திரை சாப்பிடும் பெண்களுக்கு இதுபோன்ற பாதிப்பு ஏற்படுவதில்லை என்றும் ஆய்வறிக்கை தெரிவிக்கிறது.