உண்மை சம்பவத்தில் உருவாகும் "யாசகன்"

கொலிவுட்டில் அங்காடித் தெரு மூலம் அறிமுகமான மகேஷ், துரைவாணன் இயக்கத்தில் யாசகன் என்ற படத்தில் நடிக்கிறார். அகரம் புரொடக்ஷன்ஸ் நிறுவனம் சார்பாக கே.கே.சந்தோஷ்பாண்டியன் தயாரிக்கும் படம் யாசகன். இப்படத்தை அமீர் மற்றும் சசிகுமாரிடம் இணை இயக்குனராக பணியாற்றிய துரைவாணன் இயக்குகிறார். இந்த படத்தில் மகேஷ் நாயகனாகவும், கேரளாவைச் சேர்ந்த நிரஞ்சனா கதாநாயகியாகவும் நடித்துள்ளனர்.

பல முன்னணி நடிகர், நடிகையர் நடிக்கும் யாசகன் படத்தில் முழுக்க முழுக்க காதலை மையப்படுத்தி, மதுரையில் நடந்த ஒரு உண்மை சம்பவத்தை இணைத்து உருவாக்கப்பட்டு வருகிறது. சித்தன் என்று பெயரிடப்பட்டிருந்த இப்படம் தற்போது ‘யாசகன்’ என்று பெயர் மாற்றம் செய்துள்ளனர்.

இப்படம் குறித்து இயக்குனர் கூறுகையில், இந்த வருடத்தின் மிகச்சிறந்த காதல் படமாகவும், குடும்பத்தினர் அனைவரும் பார்க்கும் வகையில் ஜனரஞ்சகமான படமாக இருக்கும் என்று கூறினார். இப்படத்திற்கு ‘கனிமொழி’, ‘லீலை’ ஆகிய படங்களுக்கு இசையமைத்த சதீஷ் சக்கரவர்த்தி இசையமைக்கிறார்.

கே.வி.ஆனந்தின் உதவியாளர் பாபு ஒளிப்பதிவு செய்கிறார். தேசிய விருது பெற்ற ராஜா முகமது படத்தொகுப்பு செய்கிறார். இத்திரைப்படத்தின் இசை வெளியீட்டு விழாவை வரும் மார்ச் மாதம் மிகப் பிரம்மாண்டமாக நடத்த முடிவு செய்துள்ளனர்.