"சென்னை எனக்கு சொந்த ஊர் மாதிரி

திரைப்பட ரசிகர்களை, தன் கண்களால் வசியப்படுத்தி வைத்திருக்கும் பிந்து மாதவிக்கு, ஆந்திரா தான், சொந்த மாநிலம். ஆனால், இவரது கல்லூரி படிப்பு, சிங்காரச் சென்னையில் தான், அரங்கேறியது. இதனால், சென்னை மீது, உங்க பாசம், எங்க பாசம் இல்லாமல், அநியாயத்துக்கு பாசமாக இருக்கிறார், பிந்து. தற்போது, தெலுங்கு படங்களுக்கு அதிக முக்கியத்துவம் கொடுத்து வந்தாலும், தமிழிலும், மூன்று படங்களில் நடித்து வருகிறார்.

ஆனால், ஐதராபாத்தில் தங்குவதை விட, பெரும்பாலான நாட்கள் சென்னையில் தான் தங்கியிருக்கிறார். இதுபற்றி அவரிடம் கேட்டால், "சென்னை எனக்கு சொந்த ஊர் மாதிரி என, உருகுகிறாராம். இப்போதெல்லாம், தமிழ், தெலுங்கில் முன்னணியில் இருக்கும் நடிகைகள், சென்னையை விட, ஐதராபாத்தில் தங்கியிருப்பதை தான், அதிகம் விரும்புகின்றனர். ஆனால், பிந்து மாதவி மட்டும், இந்த விஷயத்தில், சற்று வித்தியாசமாக இருக்கிறார்.