லிங்குசாமி, கௌதம் மேனனின் நீயா? நானா?

எவ்ளோ பெ‌ரிய இயக்குனர்? சூர்யாவுக்கு வாழ்வளித்த இயக்குனர்களில் பாலாவுக்கு அடுத்த இடம் கௌதமுக்குதான். ஆனால் இன்று அவ‌ரின் நிலைமை...? சூர்யாவின் சின்ன தலையசைப்புக்கு மாதக்கணக்கில் காத்திருக்க வேண்டியிருக்கிறது.

சிங்கம் 2-வுக்குப் பிறகு சூர்யா யார் படத்தில் நடிப்பார்? கோடம்பாக்கத்தில் இந்த சப்ஜெக்டை முன்னிறுத்தி நாலைந்துமுறை பட்டிமன்றங்கள் முடிந்துவிட்டன. இறுதி வெற்றி லிங்குசாமிக்கு என்று தீர்ப்பும் வெளியானது. ஆனால் நாட்டாமை தீர்ப்பை மாற்று என்று ட்வீட்ட‌ரில் ஒரு கலகக்குரல் எழுந்திருக்கிறது.

சூர்யாவின் கால்ஷீட் யாருக்குன்னா... அது எனக்குதான். மே-யில் படப்பிடிப்பை தொடங்குறோம் என்றிருக்கிறார் கௌதம். லிங்குசாமி இன்னும் வேகம். சூர்யா கால்ஷீட் நமக்குதான், நாம ஏப்ரலில் ஷூட்டிங் கிளம்பறோம் என்கிறார் நம்பிக்கையுடன். சமந்தாவின் கால்ஷீட்டையும் வாங்கி வைத்திருக்கிறார்.

இப்படியொரு ஸ்டார்வார் நடந்து கொண்டிருக்கையில் விளக்கம் தர வேண்டிய சூர்யா, வாண வேடிக்கையை ரசிக்கும் மனோபாவத்துடன் வேடிக்கை பார்த்துக் கொண்டிருப்பதுதான் உச்சபட்ச ஆச்ச‌ரியம்.