மே 1 - தமிழ் சினிமாவின் வாழ்வுதனை சூது கவ்வுமா?

இந்த வருட தமிழ் சினிமாவின் வெற்றி சதவீதம் மிக மோசம். மார்ச் முடிய காலாண்டுவரை அனைத்துத் தரப்பினருக்கும் லாபம் சம்பாதித்து தந்தப் படங்கள் மூன்றே மூன்று. விஸ்வரூபம், கண்ணா லட்டு தின்ன ஆசையா, கேடி பில்லா கில்லாடி ரங்கா. 44 படங்களில் தேறியவை மூன்றுதான்.

தமிழ் சினிமாவுக்கு ஏப்ரல் மே மாதங்கள் ரொம்ப ஸ்பெஷல். ஏப்ரல் 14 புது வருடத்துக்கு அரை டஜன் படங்களாவது வெளியாகும். இந்த வருடம் ஒரு படம்கூட வெளியாகவில்லை. 14 ஆம் தேதி ஞாயிற்றுக் கிழமை. 12 வெள்ளியன்று எதிர்பார்ப்புக்குரிய ஒரு படம்கூட வெளியாகவில்லை. பெயர் தெரியாத ஒன்றிரண்டு சின்ன பட்ஜெட் படங்களோடு புது வருடம் கடந்து போனது.

பதினைந்து தினங்கள் கழித்துப் பார்த்தால் திரையரங்குகளுக்காக தயாரிப்பாளர்களும், விநியோகஸ்தர்களும் முட்டி மோதுகின்றனர். மே 1 மூன்று முக்கியமான படங்கள் வெளியாகின்றன. வஸந்தின் மூன்று பேர் மூன்று காதல், சிவ கார்த்திகேயன் நடிப்பில் தனுஷ் தயாரித்திருக்கும் எதிர்நீச்சல், விஜய் சேதுபதியின் சூது கவ்வும்.