சிங்கம்-2 படப்பிடிப்பு முடிந்து பூசணிக்காய் உடைத்தாச்சு!

சிங்கம் படத்தைத் தொடர்ந்து அப்படத்தின் இரண்டாம் பாகமான சிங்கம்-2 படத்தையும் அதே சூர்யா-அனுஷ்காவைக் கொண்டு இயக்கியுள்ளார் ஹரி. அவரது வழக்கமான பாணியில் இப்படத்தையும் அதிரடியாக முடித்து விட்டார். முதல் பாகத்தில் வில்லனாக பிரகாஷ்ராஜ் நடித்திருந்தார். ஆனால் இந்த இரண்டாம் பாகத்தில் ஹாலிவுட் நடிகர் டேனி சபானி நடித்துள்ளார். முந்தைய பாகத்தைப்போலவே இந்த பாகத்திலும் முறுக்கு மீசை வைத்து அதிரடியான கெட்டப்பில் நடித்திருக்கிறார் சூர்யா.

மேலும், இதில் இன்னொரு நாயகியாக ஹன்சிகா நடிக்க, காமெடிக்கு சந்தானமும் நடித்துள்ளார். அதோடு, ஒரு குத்துப்பாடலுக்கு அஞ்சலி ஆட்டம் போட்டுள்ளார். இதன் படப்பிடிப்பு தூத்துக்குடியில் கடைசி நேரத்தில் நடைபெற்றது. அதோடு அதே ஸ்பாட்டில் மொத்த படப்பிடிப்பும் முடிந்ததால் பூசணிக்காய் உடைத்திருக்கிறார்கள். இப்படி வேகவேகமாக படப்பிடிப்பை முடித்த ஹரி, வருகிற ஜூன் மாதம் 1-நதேதி ஆடியோ விழாவை நடத்தவும் திட்டமிட்டுள்ளாராம்.