அசோகா அல்வா

தேவையான பொருட்கள்:

1. பயத்தம் பருப்பு: 250 கிராம்
   
2. கோதுமை மாவு : 250 கிராம்
   
3. சீனி (சர்க்கரை ) :400 கிராம்
   
4. நெய்: 100 கிராம்
   
5. முந்திரி பருப்பு: 10
   
6. ஏலக்காய் : 4
   
7. கேசரி பவுடர்: தேவையான அளவு
   

செய்முறை

1. முதலில் பயத்தம் பருப்பை குக்கரில் நன்கு வேக வைத்து தனியே எடுத்து வைத்து கொள்ளவும்.
   
2. ஒரு வாணலியில் சிறிது நெய் ஊற்றி முந்திரி பருப்பை வறுத்து எடுத்துக்கொள்ளவும்.
   
3. அதே நெய்யில் கோதுமை மாவை நன்கு வாசனை வரும் வரை வறுக்கவும்.
   
4. பின்னர் கோதுமை மாவு நன்கு மூழ்கும் வரை தண்ணீர் ஊற்றி வேக வைக்கவும்
   
5. கோதுமை மாவு நன்கு வெந்ததும், வேக வைத்த பயத்தம் பருப்பு, நெய் கலந்து இந்த கலவை நன்கு சுருண்டு வரும் வரை கிண்டி கொண்டே இருக்கவும்.
   
6. இதன் மேல் சர்க்கரை கலக்கவும்
   
7. ஒரு சிறிய கரண்டி பாலில் தேவையான அளவு கேசரி பவுடர் கலந்து வைத்துக்கொள்ளவும்.
   
8. அசோகா கலவை நல்ல பதத்திற்கு வந்தவுடன் கேசரி பவுடர் கலந்த பாலை ஊற்றி நன்கு கிளறி விடவும்.
   
9. வறுத்த முந்திரி பருப்பு ஏலக்காய் தூவி இறக்கி விடவும்.
   

அசோகா அல்வா தமிழ் நாட்டில் தஞ்சாவூர் வட்டாரத்தில் மிகவும்
பிரசித்தம். எல்லா நல்ல காரியங்களுக்கும் நடக்கும் விருந்தில் கண்டிப்பாக
பரிமாறப்படும். ஒரு வாரம் ஆனாலும் கெடாது.