பகத் பாசிலுடன் மீண்டும் ஜோடி சேரும் ஆண்ட்ரியா

ஆண்ட்ரியா தமிழ், தெலுங்குடன் மலையாளத்திலும் கவனம் செலுத்த ஆரம்பித்திருக்கிறார். இவரின் முதல் மலையாளப் படம் அன்னாயும் ரசூலும். சமீபத்தில் வெளியான இப்படம் சூப்பர்ஹிட்டானது.

இந்தப் படத்தில் நடித்த போது ஆண்ட்ரியா குறித்து எதுவும் மனதில் தோன்றிவில்லை என்றும், டப்பிங் பணிகளுக்காக சென்னை சென்று, படக்காட்சிகளை பார்த்த போது ஆண்ட்ரியா மீது தான் காதல் வசப்பட்டதை அறிந்து கொண்டதாகவும் பகத் பாசில் தெரிவித்தார். பகத் பாசில் இயக்குனர் பாசிலின் மகன்.

தனது காதலை வெளிப்படையாக அறிவித்த பகத் பாசில் ஆண்ட்ரியா தன்னை காதலிப்பதாகவோ, காதலிக்க வேண்டும் என அவரிடம் கேட்டதாகவோ கூறவில்லை. ஆனால் சிலர் இதனை திரித்து பகத் பாசிலும், ஆண்ட்ரியாவும் காதலிப்பதாக எழுதினர். இதனை ஆண்ட்ரியா மறுத்தார்.

இந்நிலையில் இவர்கள் இருவரையும் வைத்து புதுப்படம் ஒன்றை தொடங்கும் முடிவில் இருக்கிறார் இயக்குனர் ராதா கிருஷ்ணமேனன். படத்தின் நடிகர்கள் மற்றும் பிற விஷயங்கள் இன்னும் முடிவாகவில்லை. காதல் சர்ச்சையில் சிக்கிய இருவர் மீண்டும் ஜோடியாக நடிக்க உள்ளனர் என்ற செய்தியின் காரணமாக பகத் பாசிலும், ஆண்ட்ரியாவும் திருமணம் செய்து கொள்வார்கள் என மீடியாக்கள் செய்தி சொல்லி வருகின்றன.

அப்படியும் நடந்தால் அதில் என்ன தவறு இருக்கிறது.