ம்... டைட்டில் இன்னும் வைக்கலை - அஜித் 53 டீஸர்

விஷ்ணுவர்தன் இயக்கத்தில் அஜித், ஆர்யா, நயன்தாரா, ராணா, தாப்ஸி நடித்து வரும் இந்த புதிய படத்தின் படப்பிடிப்பு ஏறக்குறைய முடிவடையும் நிலையில் உள்ளது. ஏ.எம்.ரத்னம் படத்தை தயாரித்து வருகிறார். யுவன் ஷங்கர் ராஜா இசை. படத்துக்கு இன்னும் பெயர் வைக்கவில்லை.

இந்நிலையில் மே 1 அஜித்தின் பிறந்தநாளை முன்னிட்டு ஏப்ரல் 30 நள்ளிரவு அஜPத் 53 என்ற டீஸரை வெளியிடுவதாக தொpவிக்கப்பட்டது. அஜித்தின் 53 வது படம் என்பதால் அந்தப் பெயர். சொன்னது போலவே டீஸரை வெளியிட்டனர்.

42 விநாடிகள் ஓடக்கூடிய டீஸரில் மங்காத்தாவில் வரும் அதே சால்ட் அண்ட் பெப்பர் ஹேர் ஸ்டைலில், சின்னதாக தாடியுடன் தோன்றுகிறார் அஜித். பைக்கில் அவர் வேகமாக வரும் காட்சி, ஆர்யாவுடன் பயங்கர வெடி விபத்திலிருந்து தப்பிக்கும் காட்சி, ஆர்யா, நயன்தாராவுடன் நடந்து வரும் காட்சி ஆகியவை இந்த டீஸரில் இடம்பெற்றுள்ளது. மேலும் ஹோலிப் பண்டிகை பாடல் காட்சியும் சில விநாடிகள் இடம்பெறுகிறது. ஸ்டைலிஷான, எனர்ஜியான அஜித் டீஸர் முழுக்க ஆக்கிரமித்துள்ளார்.

விஷ்ணுவர்தனின் குரல், பை த வே... படத்தோட பெயர்...? என்று கேட்க, அஜித், ம்... இன்னும் பெயர் வைக்கலை என்று பதிலளிப்பதுடன் டீஸர் முடிவடைகிறது.

படத்தின் ஒளிப்பதிவும், டீஸரின் ஆரம்பத்தில் வரும் யுவனின் தீம் மியூஸிக்கும் படத்தின் மீது அதிக எதிர்பார்ப்பை உருவாக்குகின்றன. மொத்தத்தில்,'நச்' டீஸர்