உலகம் முழுவதும் 1,000 திரையரங்குகளில் ராவணன்!

மணிரத்னத்தின் ராவணன் திரைப்படம் வரும் ஜூன் 18ம் தேதி உலகம் முழுவதும் 1,000க்கும் மேற்பட்ட திரையரங்குகளில் வெளியாகிறது.

மணிரத்னம் கடந்த இரு ஆண்டுகளாக தயாரித்து இயக்கி வரும் படம் ராவணன். தமிழ், தெலுங்கு மற்றும் இந்தியில் இந்தப் படம் வெளியாகிறது.

இந்தியில் அபிஷேக் பச்சன், ஐஸ்வர்யா ராய் ஜோடியாக நடித்துள்ளனர்.

விக்ரம் முதல்முறையாக இந்தியில் இந்தப் படத்தில் நடித்துள்ளார். இந்தப் படத்தின் தமிழ்ப் பதிப்பில் விக்ரம், ஐஸ்வர்யா ராய், கார்த்திக், பிருத்விராஜ் நடித்துள்ளனர்.

தெலுங்கில் இந்தப் படம் வில்லன் என்ற பெயரில் வெளியாகிறது.

ஏஆர் ரஹ்மான் இசையில் பாடல்கள் ஏற்கெனவே பிரபலமடைந்துவிட்டன.

படம் வருகிற ஜூன் 18ம் தேதி உலகம் முழுக்க 1000க்கும் மேற்பட்ட பிரிண்டுகளோடு வெளியாகிறது. படத்தின் விளம்பரப் பணிகளில் மணிரத்னம் மும்முரமாக உள்ளார்.