கமலினியை ‘லவ்வும்’ ரவி கிருஷ்ணா!

7 ஜி ரெயின்போ காலனியில் அறிமுகமாகி பெரும் வெற்றி பெற்று, அடுத்த படத்திலேயே காணாமல் போனவர்கள் பட்டியலில் இடம்பிடித்தவர் ரவிகிருஷ்ணா. இயக்குநர் ஜோதி கிருஷ்ணாவின் தம்பி. தயாரிப்பாளர் ஏ எம் ரத்னத்தின் மகன்.

ரவி கிருஷ்ணாவும், கமலினி முகர்ஜியும் இரு படங்களில் சேர்ந்து நடித்தனர். முதல் படத்தில் லேசாக ஆரம்பித்த காதல், அடுத்த படத்தில் பிசின் போட்ட மாதிரி ஒட்டிக் கொள்ள வைத்துவிட்டதாம்.

ஆனாலும் தங்கள் காதலை இதுவரை ரகசியமாக மறைத்து வந்தார்களாம். தற்போது விஷயம் லீக் ஆகி, தெலுங்கு பட உலகில் பரபரப்பாகப் பேசப்படுகிறது.

ரவி கிருஷ்ணா ஆந்திராவைச் சேர்ந்தவர். தமிழகத்தில் செட்டிலாகிவிட்டது இவர் குடும்பம். கமலினி வங்காளி. இருவரும் திருமணம் செய்து கொள்ள முடிவெடுத்துள்ளனர். இதற்கு பெற்றோர் தரப்பில் கடும் எதிர்ப்பு கிளம்பியுள்ளது.

ஆனால் அதையெல்லாம் பொருட்படுத்தும் மூடில் இல்லையாம் ரவி கிருஷ்ணா. ‘சினிமாவில்தான் ஜெயிக்க முடியல.. காதலிலாவது ஜெயித்து, புத்துணர்ச்சியோடு சினிமாவுக்கு வருவேன்’ என்கிறாராம் சமாதானம் பேசப் போனவர்களிடம்!