விருதகிரி படத்துக்கு இடையூறு! குற்றம்சாட்டுகிறார் விஜயகாந்த்

தனது விருதகிரி படத்திற்கு ஆளும்கட்சியினர் இடையூறு செய்வதாக நடிகர் விஜயகாந்த் குற்றம் சாட்டியுள்ளார். நடிகரும், தேமுதிக தலைவருமான விஜயகாந்த முதன் முதலாக இயக்கி நடிக்கும் படம் விருதகிரி.

கேப்டன் சினி கிரியேஷன்ஸ் பேனரில் தானே தயாரிக்கும் இப்படத்தில் விஜயகாந்த் போலீஸ் அதிகாரியாக நடிக்கிறார். அரசியல் கட்சிகளுக்கு சவுக்கடி கொடுக்கும் பஞ்ச் டயலாக்களும் படத்தில் இடம்பெற்றிருப்பதாக செய்திகள் வெளியாகியுள்ளன.

இந்நிலையில் விருதகிரி படத்தை வெளிவரவிடாமல் ஆளும்கட்சியினர் இடையூறு செய்வதாக விஜயகாந்த் கூறியுள்ளார். சென்னையில் நடந்த தேமுதிக பொதுக்கூட்டத்தில் பேசிய விஜயகாந்த், எனது விருதகிரி படத்தை வெளிவரவிடாமல் ஆளும்கட்சியினர் பல்வேறு வகையில் இடையூறு செய்கின்றனர்.

ஆனால், அவர்களோ மக்கள் பணி என்று சொல்லி படத்தயாரிப்பில் ஈடுபட்டு, திரைப்படத் தொழிலாளர்களையும் வதைக்கின்றனர்.

கேட்டால் பேரனுக்கு கொடுத்த பாக்கெட் மணியில் படத்தை தயாரிப்பதாக கூறுகிறார்கள், என்று கூறினார்.