‘காதலிக்கிறேனா…?’ – தமன்னா விளக்கம்

நான் யாரையும் காதலிக்கவில்லை. நடிப்புதான் எனக்கு முக்கியம். தேவையில்லாத வதந்திகளைப் பரப்ப வேண்டாம், என்றார் தமன்னா.

தமன்னாவுக்கும் நடிகர் ஒருவருக்கும் தீவிர காதல் என்று தொடர்ந்து செய்திகள் வந்தவண்ணம் உள்ளது.

ஆனால் இதனை தமன்னா தொடர்ந்து மறுத்து வருகிறார்.

தான் நட்பு ரீதியாகக் கூடப் பழகாத ஒருவருடன் காதல் என்றெல்லாம் வதந்தி பரப்பு தவறானது. அந்த மாதிரி எதிர்மறை விளம்பரம் எனக்குத் தேவையுமில்லை என்றார்.

மேலும் அவர் கூறுகையில்,

“பெரிய நடிகர்களுடன் ஜோடியாக நடித்துவிட்டேன். ஷங்கர், கவுதம், பாலா போன்ற திறமையான இயக்குனர்கள் படங்களிலும் நடிக்க ஆர்வமாக உள்ளேன்.

நான் எந்த நடிகைக்கும் போட்டியில்லை. என்னை நம்புகிறேன். எனது வேலையை சிறப்பாக செய்கிறேன். நிறைய நடிகைகள் அறிமுகமாகிக் கொண்டு இருப்பது மகிழ்ச்சி அளிக்கிறது”, என்றார்.