“அவதார்” படம் சாயலில் ரஜினியின் “சுல்தான்” 30 நிமிட நிஜகாட்சிகளை ரவிக்குமார் இயக்குகிறார்

ரஜினி நடிக்கும் “சுல்தான்” அனிமேஷன் படம் மெகா பட்ஜெட்டில் தயாராகிறது. ரஜினி மகள் சவுந்தர்யா இயக்குகிறார். 2008ல் இதன் படப்பிடிப்பு துவங்கியது.

வெளிநாடுகளில் ரஜினி நடித்த காட்சிகள் படமாக்கப்பட்டு அனிமேஷனில் மாற் றப்பட்டது. நாயகியாக விஜயலட்சுமியும், வில்லனாக ராகுல் கேஷம் நடிக்கின்றனர். படப்பிடிப்பு இறுதி கட்டத்தில் உள்ளது. அடுத்த வருடம் தமிழ்புத்தாண்டில் படத்தை ரிலீஸ் செய்ய திட்டமிட்டுள்ளனர்.

சுல்தான் படத்துக்கு விநி யோகஸ்தர்கள் மத்தியில் பலத்த எதிர்பார்ப்பு உள்ளது. உலக மெங்கும் இதை வெளியிட முடிவு செய்துள்ளனர். சுல்தானுக்கு கிடைத்து வரும் உலகளாவிய மார்க்கெட்டை கருத்தில் கொண்டு இப்படத்தை மேலும் பிரமாண்டமாக உருவாக்கி திட்டமிடப்பட்டு உள்ளது.

“அவதார்” ஹாலிவுட் படம் சாயலில் இதை உருவாக்கு கின்றனர். “அவதார்” படம் பாதி அனிமேஷனிலும் மீதி நிஜ காட்சிகளாகவும் எடுக்கப்பட்டு இருந்தது. கதாநாயகனின் சில சீன் களை நிஜமாகவும், அந்த கேரக்டரை அனி மேஷனில் மாற்றியும் காட்டப்பட்டன.

அது போல் சுல்தான் படத்தில் ரஜினியின் முப்பது நிமிட நிஜசீன்கள் இணைக்கப்படுகின்றன. இந்த நிஜ காட்சிகளை படமாக்கும் பொறுப்பு இயக்குனர் கே.எஸ்.ரவிக்குமா ரிடம் ஒப்படைக்கப்பட்டு உள்ளது. இவர் ஏற்கனவே ரஜினியை வைத்து “படையப்பா”, “முத்து”, போன்ற ஹிட்படங்களை இயக்கியுள்ளார். அனிமேஷன், கிராபிக் பணி களை சவுந்தர்யாவும், ரஜினியின் நிஜசீன்களை இயக்கும் பொறுப்பை கே.எஸ்.ரவிக்குமாரும் பிரித்துக் கொண்டு உள்ளனர்.

“சுல்தான்” பெயரை “ஹரா” என மாற்றவும் முடிவு செய்யப்பட்டு உள்ளது.