நானே என்னுள் இல்லை – திரை விமர்சனம்

கல்லூரி மாணவன் அம்ரேஷ் கணேஷ். பொறுப்பில்லாமல் திரிகிறார். தந்தை உதவாக்கரை என வெறுத்து ஒதுக்குகிறார். அம்ரேஷ்க்கும், சக மாணவி ஆர்யாமேனனுக்கும் காதல்.

ஒரு கட்டத்தில் ஆர்யா மேனன் நடிகையாகி பணம், புகழ் என வளர்கிறார். காதலில் இடைவெளி விழுகிறது. அம்ரேஷ¨க்கும் கதாநாயகன் வாய்ப்பு கிடைக்கிறது. நிறைய படங்களில் நடித்து முன்னணி நடிகராகிறார். தேசிய விருதும் கிடைக்கிறது.

விலகிப்போன காதலியும் ஒதுக்கிய தந்தையும் அவரை ஏற்றுக்கொண்டார்களா? என்பது கிளைமாக்ஸ்.

பழைய கதாநாயகி ஜெயசித்ரா இயக்கியுள்ள படம். அவர் மகன் அம்ரேஷ் கணேஷ் நாயகன்.

காதல் குடும்பசென்டில் அழுத்தம் பதிக்கிறார் அம்ரேஷ். நாயகன் வாய்ப்பு நழுவி போனதும் நொறுங்குவது நேர்த்தி. முன்னேற்றத்துக்கு தொப்பை தடையாக இருப்பதாக கருதி அதை கைகளால் குத்தி வருத்தத்தை வெளிப்படுத்துவதிலும் காதலி தாய் திட்டியதும் கண்களில் நீர்தேக்கி வெளியேறுவதிலும் தேர்ந்த நடிப்பை காட்டுகிறார். வயதான கெட்டப்பில் அம்சம்.

ஆர்யாமேனன் அழகாய் ஜொலிக்கிறார்.

நாசர் கண்டிப்பான தந்தையாகவும் சரண்யா பாசமான தாயாகவும் வருகின்றனர்.

அம்ரேஷ் இசையில் பாடல்கள் இனிமை. அழுத்த மில்லாத திரைக்கதை வேகத்தடை போடுகின்றன.