நமீதாவைக் கடத்திய ரசிகர்

நடிகை நமீதா சினிமாவில் நடித்துக் கொண்டே டி.வி. நிகழ்ச்சி, மற்றும் கலை நிகழ்ச்சிகளிலும் கலந்து கொண்டு வருகிறார். கலை நிகழ்ச்சிகளில் பங்கேற்க ஊர்,ஊராக சென்று வருகிறார்.

கடந்த ஞாயிற்றுக்கிழமை கரூர் வெங்கமேட்டில் ஒரு தனியார் அமைப்பு சார்பில் கலை நிகழ்ச்சி நடந்தது. இதில் பங்கேற்க நமீதா திருச்சி விமானம் மூலம் வந்தார்.

நமீதாவை வரவேற்று அழைத்துச் செல்ல நிகழ்ச்சி அமைப்பாளர்கள் ஒரு காரை அனுப்பியிருந்தனர். கார் டிரைவர் விமான நிலைய வாசலில் காத்திருந்தார்.

அப்போது திடீரென மற்றொரு கார் டிரைவர் நிகழ்ச்சிக்கு அழைத்து செல்ல வந்தவர் நான்தான் என்று நமீதாவ ஏற்றிச் சென்றார். இதற்கிடையே நமீதாவை அழைத்துச் செல்ல நிகழ்ச்சி ஏற்பாடு செய்தவர்களால் அனுப்பி வைக்கப்பட்டிருந்த கார் டிரைவர் நமீதா வேறு காரில் ஏறிச் செல்வதை பார்த்து அதிர்ச்சி அடைந்தார். உடனேநிகழ்ச்சி அழைப்பாளர்களுக்கு தகவல் கொடுத்தார்.

நமீதாவை ஏற்றிச் சென்ற காரை விரட்டி பிடித்தனர். அந்த காரை மறித்து நமீதாவை மீட்டனர்.

நமீதாவை ஏற்றிச் சென்ற வாலிபர் தனது பெயர் கந்தசாமி என்றும் திருச்சியை சேர்ந்தவர் என்றும் கூறினார். நமீதா மீது அதிக அன்பு கொண்ட அவர் அதிக ஆர்வத்தால் நமீதாவை தன்னுடைய காரில் ஏற்றிக் சென்றதாக கூறினார். அதைத் தொடர்ந்து அந்த வாலிபரை விட்டு விட்டனர்.

ரசிகர் கொடுத்த அதிர்ச்சியில் இருந்த நமீதாவை மீட்டனர். அதன்பிறகு கரூர் நிகழ்ச்சியில் கலந்து கொண்டார்.

பிறகு அன்றிரவே கார் மூலம் புறப்பட்டு சென்றார். நமீதாவை, வெங்கமேடு போலீசார் பாதுகாப்பாக அனுப்பி வைத்தனர்.

இதற்கிடையே திருச்சியிலும் அடுத்த மாதம் நடிகை நமீதா கலந்து கொள்ளும் கலை நிகழ்ச்சி நடக்கிறது. அடுத்த மாதம் 27-ந்தேதி நடக்கும் அந்த கலை நிகழ்ச்சியில் நடிகை நமீதாவும் கலந்து கொள்வார் என அறிவிக்கப்பட்டு உள்ளது.

இந்த நிலையில் திருச்சியில் ஏற்கனவே ஒரு ரசிகர் கொடுத்த கடத்தல் அதிர்ச்சியில் இருந்து மீண்ட நமீதா மீண்டும் திருச்சி வருவாரா? என்ற எதிர்பார்ப்பு ஏற்பட்டு உள்ளது.