ரூ.18 கோடி வரை வீடுகளை விற்கிறார்; ரியல் எஸ்டேட் தொழிலில் நமீதா

விஜயகாந்தின் “எங்கள் அண்ணா” படம் மூலம் தமிழில் நாயகியாக அறிமுகமானவர் நமீதா. ஏய், “சாணக்யா, நான் அவனில்லை, பில்லா, ஜகன் மோகினி, பச்சக்குதிரை, உள்ளிட்ட பல படங்களில் நடித்துள்ளார்.

தெலுங்கு, கன்னடம், மலையாள மொழி படங்களிலும் நடிக்கிறார். நடிகைகள் பலர் சம்பாதித்த பணத்தை பிற தொழில்களில் முதலீடு செய்கின்றனர். நமீதாவும் தொழில் முனைவோர் ஆகி உள்ளார். சினிமாவிலும், ஜவுளி, நகை கடைகள் திறப்பு விழாவிலும் வாங்கிய தொகையை ரியல் எஸ்டேட் துறையில் முதலீடு செய்கிறார்.

வீடுகள் கட்டி உள் அலங்கார வேலைகள் செய்து விற்பனையும் செய்கிறார். அவர் விற்கும் வீடுகள் ரூ.13 கோடி முதல் ரூ.18 கோடி வரை விலை போகிறதாம். தனது தொழில் நிறுவனத்தின் பங்குதாரராக பரத்கபூர் என்பவரை சேர்த்துள்ளாராம். இருவரும் காதலிப்பதாகவும் கிசுகிசுக்கப்பட்டது.

இவர்கள் தங்கள் நிறுவனம் மூலம் அழகிய டிசைன்களில் சொகுசு வீடுகளை கட்டி விற்பதாக தகவல் வெளியாகி உள்ளது. மும்பையில் முதல் கட்டமாக இந்த தொழிலை ஆரம்பித்துள்ளார். அடுத்து சென்னைக்கும் இதனை விரிவுபடுத்தப் போகிறாராம். இங்கும் நிறைய காலி இடங்களை அவர் வாங்கி போட்டு இருப்பதாக கூறப்படுகிறது.