சம்பளத்தை குறைத்த ஹீரோ

பெட்ரோல் விலைகூட ஒருவேளை குறையலாம். ஆனால் ஹீரோக்களின் சம்பளம் ஏறியது ஏறியதுதான். நரைவிழுந்து கிழப் பருவம் எய்திய பிறகு வேண்டுமானால் சிறிது குறையலாம். மற்றபடி… காற்றில் கலந்த பேரோசைதான்.

ஆச்ச‌ரியமாக இளம் நடிகர் ஒருவர் தனது சம்பளத்தை அதிரடியாக குறைத்திருக்கிறார். அவர் சித்தார்த்.

தெலுங்கில் முன்னணியில் இருக்கும் அவர், இந்தியிலும் அவ்வப்போது தலைகாட்டுகிறார். ஆந்திராவில் இவர் சம்பளம் பல கோடிகள். இந்நிலையில் தெலுங்கு, தமிழில் உருவான 180 படத்தில் நடிக்க வெறும் ஒரு கோடி மட்டும் வாங்கியிருக்கிறார். இருமொழி என்றால் சம்பளம் ஏறவல்லவா செய்யும்?

தமிழிலும் மார்க்கெட் பிடித்தால் இப்போது வாங்குவதைவிட அதிக சம்பளம் வாங்க முடியும். அதற்கான பிள்ளையார் சுழியாக 180 இருக்கும் என்ற கணிப்பில்தான் குறைவான சம்பளம் வாங்கியிருக்கிறார்.

அதானே பார்த்தோம்