‘I AM SAM’ ‘தழுவல்’னு நீங்க சொல்றீங்க; நான் இன்ஸ்பிரேஷன்னுதான் சொல்லுவேன்: விக்ரம்

விஜய் இயக்கத்தில் விக்ரம் நடிப்பில் வெளிவந்து வரவேற்பை பெற்ற படம் ‘தெய்வத்திருமகள்’. மக்களிடையே வரவேற்பை பெற்றாலும் ‘I AM SAM’ என்ற படத்தின் காப்பி என்று சர்ச்சை எழுந்தது. இது குறித்து இதுவரை படக்குழுவினர் பதிலளிக்கவில்லை.

இந்நிலையில் ‘தெய்வத்திருமகள்’ படம் குறித்த கேள்விக்கு விக்ரம் கூறியிருப்பது:

“படத்தை ‘தழுவல்’னு சொல்றீங்க நீங்க! ‘inspiration’னு சொல்றேன் நான். ஒரு பாப்பாவோட அப்பாவும் பாப்பாவா இருந்தா எப்படி இருக்கும்னு கொஞ்சம் யோசிச்சுப் பாருங்க. எவ்வளவு லல்வி லைன். அப்பா – பொண்ணு, அப்பா – மகன்.. இப்படி ஏற்கெனவே தமிழில் பல ப்ளாட்களில் சினிமா வந்திருந்தாலும், இது ரொம்பவே புதுசா இருந்தது. ‘I AM SAM’ படம் தந்த பாதிப்பில் உருவான சினிமா ‘தெய்வத்திருமகள்’. அந்தப் படத்தின் பலூன் ஷாட்டும், ஷூ வாங்கும் காட்சிகளும் மட்டும்தான் ‘தெய்வத்திருமகளில்’ ரிப்பீட் ஆகி இருக்கும். அந்த அழகான ஸ“ன்களுக்கு ரீ-ப்ளேஸ்மென்ட் கிடைக்கலை.

மத்தபடி, எல்லாமே தமிழுக்காகவே செஞ்ச ஸ“ன்கள். பூசான் ஃபிலிம் ஃபெஸ்டிவலில் ஸ்க்ரீன் பண்ண ‘தெய்வத்திருமகள்’ செலக்ட் ஆகியிருக்கு. தேர்வுக் குழு உறுப்பினரான கிம் படம் பார்த்துட்டு, நெகிழ்ந்து போய் வந்திருக்கார். போன்ல பேசினார். “இது ‘I AM SAM’ படத்தோட இன்ஸ்பிரேஷன்னு சொன்னாங்க. கொஞ்சம் யோசனையோடுதான் நான் படம் பார்த்தேன். ஆனா, இந்தப் படம் மொத்தமே வித்தியாசமா இருக்கு. அந்தப் படத்தோட சென்ட்டிமென்ட் லெவலை ‘தெய்வத்திருமகள்’ அடுத்த லெவலுக்குக் கொண்டு போயிருச்சு.

நான் ஆசிய சினிமாக்களின் பிரிவில் படத்தை பிளேஸ் பண்ணலாம்னு ஐடியா வெச்சிருந்தேன். ஆனா, இப்போ ஓப்பன் கேட்டகிரியில் உலக சினிமாக்களுக்கான வரிசையில் பிளேஸ் பண்ணி இருக்கேன். ஹாட்ஸ் ஆஃப் டு த டீம்”னு பாராட்டினார். எல்லாப் பெருமையும் டைரக்டர் விஜய்க்குத்தான் போய்ச் சேரும். இப்படி ஒரு கேரக்டரை நான் மிஸ் பண்ணியிருந்தால்தான் வருந்தியிருப்பேன். உலகம் முழுக்க இந்த இன்ஸ்பிரேஷன் ட்ரெண்ட் இருக்கத்தான் செய்யுது.

நீங்க இதுக்கே இப்படிச் சொல்றீங்க. ஆனா, தமிழ் சினிமாவின் கிளாஸிக் படங்களை அப்படியே சீன் பை சீன் உட்டாலக்கடி பண்ற இயக்குநர்களும் இருக்காங்களே… அவங்களை என்ன பண்ணப்போறீங்க? சொந்தச் சரக்குல நம்மை யாரும் அடிச்சுக்க முடியாது பாஸ்!”

ஆமா சார்.. திருட்டு மாங்காய்க்குதானே ருசி அதிகம்!