அண்ணனும் அவரே! தங்கையும் அவரே! – இயக்குனரின் புதிய அரிதாரம்

கேமராவிற்கு பின்னால் இருந்து இயக்கும் இயக்குனர்கள் எல்லாம் இப்போது, படம் இயக்குவது மட்டுமின்றி, கேமிராவிற்கு முன்பாக நின்று நடிக்கவும் செய்து கொண்டிருக்கிறார்கள். அந்த வரிசையில்‘யாதும் ஊரே யாவரும் கேளீர்’ பட இயக்குனரும் சேர்ந்திருக்கிறார். அதில் அண்ணனாகவும், தங்கையாகவும் அவர் ஒருவரே அரிதாரம் பூசி நடிக்கிறார்.

இயக்குனர்கள் பிரபு சாலமன், வெங்கட் பிரபுவிடம் உதவி இயக்குனராக இருந்த மதன் என்பவர் ‘யாதும் ஊரே யாவரும் கேளீர்’ என்ற படத்தின் மூலம் இயகுனராகவும், நடிகராகவும் அறிமுகமாகிறார்.

இப்படம் குறித்து இயக்குனர் கூறியதாவது;

“அண்ணன், தங்கை பாசத்துக்கு இடையே குறுக்கிடுகிறது காதல். தங்கையின் பாசத்தை உதறிவிட்டு காதலியை அண்ணன் ஏற்கிறானா என்பது கதை. இதில் அண்ணன், தங்கை என இரண்டு வேடங்களையும் நானே ஏற்கிறேன். கல்லூரியில் படிக்கும்போது நாடகங்களில் பெண் வேடத்தில் நடித்தது, இப்போது உதவுகிறது. இப்படத்திற்கு ஒளிப்பதிவு செய்கிறார் ரவிசூர்யா.

70 மணி நேர நாடகம் இயக்கி லிம்கா சாதனையில் இடம்பெற்றேன். பிரபு சாலமன், வெங்கட் பிரபுவிடம் உதவியாளராக பணியாற்றி இருக்கிறேன்.’’ என்றார்.