நாயகிகளுக்கு சம முக்கியத்துவம் கொடுக்கும் துணிச்சல் அமீரிடம் மட்டுமே: நீது சந்திரா

தான் இயக்கும் படங்களில் கதாநாயகனுக்கு இணையாக, கதாநாயகிகளுக்கும் சம முக்கியத்துவம் கொடுக்கும் துணிச்சல் அமீருக்கு மட்டுமே இருக்கிறது என்று நடிகை நீது சந்திரா தெரிவித்துள்ளார். இவர் தற்போது அமீரின் இயக்கத்தில் ஜெயம் ரவியுடன் ‘ஆதிபகவன்’ படத்தில் நடித்து வருகிறார்.

இவருக்கும் அமீருக்கும் நெருக்கம் ஏற்பட்டுள்ளதாகவும், இருவரும் ஒன்றாக சுற்றுகிறார்கள் என்று கோலிவுட் கிசுகிசுக்க, இதை நீது சந்திராவிடமே கேட்டோம்.

அதற்கு அவர் பதில் அளித்ததாவது;

“எனக்கும் அமீருக்கும் இடையே நல்ல நட்பு இருக்கிறது. இது தொழில் ரீதியானதுதான். தன் படத்தில் நடிக்கும் கதாநாயகிகளுக்கு சம முக்கியத்துவம் கொடுக்கும் துணிச்சல் அவரிடம் மட்டும்தான் இருக்கிறது. ‘மவுனம் பேசியதே’ படத்தில் த்ரிஷா, ‘பருத்திவீரன்’ படத்தில் பிரியாமணி ஆகியோருக்கு முக்கியத்துவமான கேரக்டர்கள் கொடுத்தார். அதுபோல் ‘ஆதிபகவன்’ படத்தில் எனக்கும் முக்கியத்துவம் கொடுத்திருக்கிறார். அவரை நான் மதிக்கிறேன். மற்றபடி எங்களுக்குள் காதல் சார்ந்த உறவு எதுவுமில்லை.’’ என்றார்.