ராணி முகர்ஜிக்கு ஜோடியாக ப்ருத்விராஜ்…!

நடிகர் ப்ருத்விராஜ், தான் நடிக்கபோகும் முதல் இந்தி படத்தில், ராணி முகர்ஜிக்கு ஜோடியாக நடிக்க இருக்கிறார். மலையாளத்தில் முன்னணி நடிகராக இருப்பவர் நடிகர் ப்ருத்விராஜ். தமிழிலும் மொழி, சத்தம் போடாதே, அபியும் நானும், ராவணன் உள்ளிட்ட பல்வேறு படங்களில் நடித்துள்ளார். இந்நிலையில் முதன்முறையாக நடிகர் ப்ருத்விராஜ்க்கு பாலிவுட் வாய்ப்பு தேடி வந்துள்ளது.

தேசிய விருது பெற்ற மராத்திய இயக்குநர் சச்சின் குந்தல்கர், அடுத்து இந்தியில் “அய்யா” என்ற படத்தை இயக்குகிறார். தமிழ் இளைஞன் ஒருவருக்கும், மராத்திய பெண்ணுக்கும் இடையே ஏற்படும் காதலை பற்றிய படம் தான் “அய்யா”. படத்தின் கதை ரொம்பவே பிடித்து போக, உடனே ஓ.கே.‌ சொல்லியிருக்கிறார் ப்ருத்விராஜ்.

படத்தில் தமிழ் இளைஞனாக ப்ருத்விராஜூம், மராட்டிய பெண்ணாக ராணி முகர்ஜியும் நடிக்கின்றனர். மலையாளத்தில் ப்ருத்விராஜின் நடிப்பை பார்த்து வியந்து போய், அய்யா படத்தின் நாயகனாக்கியுள்ளா சச்சின் குந்தல்கர். ப்ருத்விராஜ்க்கு பாலிவுட்டில் இதுதான் முதல்படம் என்பது குறிப்பிடத்தக்கது.