போதி தர்மரை எதுக்கு கொண்டாடணும்?

புலம்புகிற வாய்களையெல்லாம் போதி தர்மரே வந்து பொத்தினால்தான் உண்டு போலிருக்கிறது. தமிழ் படத்தில் அவரை தமிழரா காட்டுறீங்க, இதே படத்தை தெலுங்கில் வெளியிட்டிருக்கிறீர்களே, அங்கே எப்படி காட்டுவீங்க? அவர் ரெட்டியா, நாயுடுவா? இப்படியெல்லாம் கேள்வி எழுப்பி வருகிறார்கள் சிலர். இவர்களுக்கெல்லாம் பதிலே சொல்ல முடியாதபடி தெலுங்கு மற்றும் கன்னட மொழிகளில் அப்படிதான் டப்பிங் செய்திருக்கிறார்களாம் இவர்களும்.

தமிழ்நாட்டில் பிறந்தார் சரி. தமிழர்களுக்கு என்னங்க பண்ணினார்? இங்கேயிருந்து சீனாவுக்கு போய் அவங்களுக்கு நல்ல விஷயங்களை கற்று கொடுத்தவர், இங்கேயே இருந்து அந்த கலைகளை தமிழர்களுக்கு கற்றுக் கொடுத்திருக்கலாமே? அப்படியெல்லாம் செய்யாமல் ஓடிப்போன அவரை எதுக்கு நாம கொண்டாடணும் என்று இரும்புப்பிடி போடுகிறது இன்னொரு கேள்வி.

இப்படி ஆளாளுக்கு போதி தர்மரின் இமேஜை பொட்டலத்தில் வைத்து போஸ்ட் மார்ட்டம் செய்து கொண்டிருக்க, இலங்கையில் இப்படத்தை அனுமதிக்கவே மாட்டார்களே என்ற யூகத்திற்கு மட்டும் செம சறுக்கல். அங்கு இப்படத்தை வெளியிட அனுமதித்திருக்கிறது அந்நாட்டு அரசு. ஆனால், படத்தில் சூர்யா பேசும் பல வசனங்களை கட் செய்துவிட்டார்களாம்.

ரிலீஸாவது பண்ணாங்களே……