விக்ரமின் தோற்றம்….ரீமாசென் புல்லரிப்பு!!

ஒரு
ராஜ குறட்டையின் எரிச்சலோடு துவங்கியது ராஜபாட்டை படத்தின் பாடல்
வெளியீட்டு விழா. நிகழ்ச்சி தொகுப்பாளர்களால் ஒரு விழாவே நாசமாகிய சோகம்
அன்றுதான் நடந்தது. பொதுவாக ஒரு தொகுப்பாளர் பேசினாலே கதவை சாத்திக் கொண்டு
கதறணும் போல இருக்கும். இந்த விழாவில் மூன்று பேர் மேடையேறினார்கள். ஒரே
நேரத்தில் மூவரும் பேச, சந்தைக்கடையானது விழா. பேச வேண்டிய விஐபிகள் அத்தனை
பேரும் ‘ஞே’ என்று விழித்தது தனி சோகம்.



முன்னதாக விக்ரமின் திரையுலக சாதனைகளை விளக்கும் ஒரு ஆவணப்படத்தை
திரையிட்டார்கள். அல்லது திரையிட முயற்சித்தார்கள். அதுவும் ஆடியோ சரியாக
இல்லாமல் நாலே செகண்ட்டில் நிறுத்தப்பட்டது. இவ்வளவையும் பொறுத்துக்
கொண்டதுடன் முகத்தில் வலுக்கட்டாயமான சிரிப்பை அமர வைத்துக் கொண்ட சீயானின்
பொறுமைக்கும் ஒரு தனி வணக்கம் செலுத்தலாம்.

தீக்ஷா சேத், ரீமாசென் இருவரும் வந்திருந்தார்கள். இவர்களில் ரீமாசென்னை
பார்த்து ‘நீங்க விக்ரமுடன் தூள் படத்தில் நடிச்சிருக்கீங்க. அந்த படம்
வெளிவந்து பத்து வருஷமாவது இருக்கும். இப்போ ராஜபாட்டையில் மறுபடியும்
சேர்ந்து நடிக்கிறீங்க. சீயான் விக்ரம் சார் பற்றி சொல்லுங்க’ என்றார்
தொகுப்பாளர் பாலாஜி. (அந்த மூவரில் இவர் தேவலாம்)

நான் பொறாமைப்படுவது அவரது மாறாத யூத் ஃபுல் தோற்றத்தை பார்த்துதான்.
அப்ப பார்த்த மாதிரி இப்பவும் அப்படியே இருக்கார் என்றார் ரீமாசென்.
ஒருவேளை விக்ரமிடம் இந்த கேள்வியை கேட்டிருந்தால் இதே பதிலை
சொல்லியிருப்பாரோ?

தீக்ஷா சேத் பேசும்போது அடுத்த முறை கட்டாயம் தமிழில் பேசுவேன் என்றார்.
வரவர தேர்தல் வாக்குறுதி மாதிரி ஆகிவிட்டது ஹீரோயின்களின் பேச்சும்.