அருந்ததீ பட தயாரிப்பாளர் எம்.எஸ்.ரெட்டி மரணம்!

தெலுங்கு
திரை உலகின் முன்னணி தயாரிப்பாளர்களுள் ஒருவரான எம்.எஸ்.ரெட்டி என்று
அழைக்கப்படும், மல்லேமலா சுந்தரராமி ரெட்டி (87) காலமானார். நீண்ட நாட்களாக
நோயால் அவதிப்பட்டு வந்த அவர் நேற்று ஐதராபாத்தில் உள்ள அவருடைய வீட்டில்
காலமானார். சிறந்த புகைப்பட நிபுணராகவும் திகழ்ந்த இவர் முதன் முதலாக
சென்னையில் ஒரு போட்டோ ஸ்டுடியோவை ஆரம்பித்தார். அதன் பின்னர், கன்னேபில்லா
என்ற டப்பிங் படத்தின் மூலமாக 1966ம் ஆண்டில் தனது சினிமா வாழ்க்கையை
தொடங்கினார்.



அனுஷ்கா நடிப்பில் சில ஆண்டுகளுக்கு முன்பு வெளிவந்த அருந்ததீ உள்ளிட்ட
ஏராளமான திரைப் படங்களை தயாரித்துள்ளார் ரெட்டி. இவருடைய மறைவுக்கு ஆந்திர
முதல்வர் கிரண்குமார் ரெட்டி, தெலுங்குதேசம் கட்சி தலைவர் சந்திரபாபு
நாயுடு, பா.ஜனதா மூத்த தலைவர் வெங்கையா நாயுடு உள்ளிட்ட ஏராளமான தலைவர்கள்
இரங்கல் தெரிவித்துள்ளனர். தமிழக கவர்னர் ரோசய்யாவும் எம்.எஸ்.ரெட்டியின்
மறைவுக்கு இரங்கல் தெரிவித்துள்ளார்.