டேம் 999 பட இயக்குநரை கவுரவிக்கும் கேரள மாநிலம்!

தமிழகம் மற்றும் ‌கேரளா என இரு மாநிலங்களிடையே துளிர் நிலையில் இருந்த
முல்லை பெரியாறு அணை விவகாரத்தை, தனது படத்தின் மூலம் மிகப்ப‌ெரிய மற்றும்
பூதாகரமான பிரச்சனையாக உருவெடுக்க காரணமாக இருந்த டேம் 999 பட இயக்குனர்
சோகன் ராய், இந்த ஆண்டின் கே.ஆர்.நாராயணன் புரஸ்காரம் விருதுக்கு
தேர்ந்தெடுக்கப்பட்டுள்ளார். நாட்டின் முன்னாள் ஜனாதிபதி கே ஆர் நாராயணன்
பவுண்டேசன் சார்பில் ஆண்டுதோறும் இவ்விருது வழங்கப்பட்டு வருகிறது.


இதுதொடர்பாக, பத்திரிகையாளர்களை சந்தித்த அந்த பவுண்டேசனின் தலைவர்
உழவூர் விஜயன் கூறியதாவது, முல்லை ‌பெரியார் அணை உடைவதன் மூலம் கேரள
மக்களுக்கு ஏற்படும் பாதிப்பை நேரில் பார்த்தது போன்று இருந்தது அப்படம்.
இப்படத்தின் மூலம் மாநில மக்களுக்கு உரிய நேரத்தில் விழிப்புணர்வு
ஏற்பட்டுள்ளதாக அவர் கூறினார். தங்களுடைய துறைகளில் சி‌றந்து
விளங்குபவர்களுக்கு ஆண்டுதோறும் இந்த விருது வழங்கி கவுரவிக்கப்படுகிறது.
இம்மாத இறுதியில் நடைபெற உள்ள நிகழ்ச்சியில், சோகன் ராய்க்கு இவ்விருது
வழங்கப்பட உள்ளதாக அவர் கூறினார்.