அஜீத்துடன் மீண்டும் நயன்தாரா ஜோடி

நயன்தாரா- பிரபுதேவாவின் மூன்றரை வருட காதல் முறிந்துள்ளது. இருவரும்
பிரிந்து விட்டனர். பிரபுதேவாவை மணப்பதற்காக நயன்தாரா சினிமாவுக்கு
முழுக்கு போட்டு இருந்தார். பெரிய நடிகர்கள் படங்களில் நடிக்க அழைத்தும்
ஒத்துக்கொள்ளவில்லை. தற்போது பிரபுதேவா காதலை உதறியதால் பட வாய்ப்புகள்
குவிகிறது.
தெலுங்கில் நாகார்ஜூனா ஜோடியாக நடிக்க ஒப்பந்தமாகி உள்ளார். இப்படத்தில்
நடிக்க அவருக்கு ரூ.1 கோடியே 20 லட்சம் சம்பளம் பேசப்பட்டு உள்ளதாம்.
தமிழ் படங்களில் நடிக்கவும் நயன்தாராவுக்கு வாய்ப்புகள் குவிகிறது. அஜீத்
ஜோடியாக நடிக்க அவரிடம் பேசி வருகின்றனர்.

இப்படத்தை விஷ்ணுவர்த்தன் இயக்குகிறார். ஏ.எம். ரத்னம் தயாரிக்கிறார்.
அனுஷ்காவைத்தான் முதலில் ஜோடியாக தேர்வு செய்தனர். ஆனால் தெலுங்கு
படங்களில் அவர் பிசியாக இருப்பதால் வேறு நாயகி தேடினர். அஜீத்துடன் நடிக்க
நயன்தாரா சம்மதம் தெரிவித்துள்ளதாக கூறப்படுகிறது.

இதுகுறித்து இயக்குனர் விஷ்ணுவர்த்தனிடம் கேட்டபோது, அஜீத் ஜோடியாக
நடிக்க நயன்தாரா பெயரை பரிசீலிப்பது உண்மைதான். ஆனாலும் அவரிடம் இன்னும்
ஒப்பந்தம் எதுவும் போடவில்லை என்றார். அஜீத்தும் நயன்தாராவும் ஏற்கனவே
பில்லா, ஏகன் படங்களில் ஜோடியாக நடித்துள்ளனர்.

இதற்கிடையில் நயன்தாரா விலகலால் பிரபுதேவா மகிழ்ச்சியான மனநிலையில்
இருப்பதாக தகவல் வெளியாகி உள்ளது. அக்ஷய் குமாரை வைத்து ‘ரவுடி ரத்தோர்’
என்ற இந்திப் படத்தை இயக்கி வருகிறார். படப்பிடிப்புக்கு முதல் மனைவி
குழந்தைகளை வரவழைத்தாராம். திடீரென்று படப்பிடிப்பை ரத்து செய்துவிட்டு
குழந்தைகளுடன் வெளியேறிவிட்டதாக படக்குழுவினர் தெரிவித்தனர்.