பக்தி பல விதம்

பெரியோர்களும், சான்றோர்களும் பக்தி நெறியில் பல வித மார்க்கங்களைப் பின்பற்றி சித்தியடைந்திருக்கிறார்கள்.

சிரவணம் (கேட்டல்): இறைவனுடைய `திருவிளையாடல்'கள் பற்றியும், அவனது குணாதிசயங்கள் பற்றியும் காதால் கேட்டுக் கேட்டு மெய் மறந்து போதல். (இவ்வழியைப் பின்பற்றி முக்தியடைந்தவர்- பரீட்சித் மகாராஜா)

கீர்த்தனம் (பாடுதல்): இறைவனை, நெஞ்சாற வாயாறப் போற்றி பாடுதல் (மீராபாய்)

ஸ்மரணம் (உச்சரித்தல்): சிந்தையில் இறைவனை நிறுத்தி, அவனுடைய திருநாமங்களை சதா உச்சரித்தல் (பிரகலாதன்)

பாத சேவனம் (திருவடிச்சேவை): பகவானின் பாதார விந்தங்களை பிரார்த்தனை செய்து நமஸ்கரித்தல் (ஸ்ரீ லட்சுமி தேவி)

அர்ச்சனா (அர்ச்சித்தல்): பூக்களாலும், இலைகளாலும் திருநாமங்களை சொல்லி இறைவனை அர்ச்சித்தல் (ப்ரீது)

வந்தனம் (வழிபடுதல்): நாள்தோறும் இறைவனை நினைத்து வழிபடுதல் (அக்ரூரர்)

தாஸ்யம் (அடிமை): கடவுளுக்கு தன்னை அடிமையாக்கிக் கொண்டு சேவை புரிதல் (அனுமான்)

சக்யம் (சிநேகம்): ஆண்டவனை தன் ஆருயிர்த் தோழனாக நேசிப்பது. (அர்ச்சுனன்)

ஆத்ம நிவேதனம் (உயிர்த்தியாகம்): தன்னையே முழுமையாக அர்ப்பணித்தல் (மகாபலிசக்ரவர்த்தி, கண்ணப்பர்)