30 நாட்களில் உருவான ஒத்தக்குதிரை

ஒத்தக்குதிரை என்ற பெயரில் உருவாகும் புதிய படம் 30 நாட்களில்
படமாக்கப்பட்டுள்ளது. முழுக்க முழுக்க திகில் கலந்த இந்த படத்தின்
கதைப்படி, ஒரு தனியார் தொலைக்காட்சி “உண்மை” என்ற பெயரில் நடந்தது
நடந்தபடி, உண்மையை வெளியுலகத்துக்கு காட்டும் நிகழ்ச்சி ஒன்றை தயாரிக்க
முடிவு செய்தது. இதற்காக ஒரு இளைஞர்கள் குழு, ஒத்தக்குதிரை என்ற
கிராமத்துக்கு செல்கிறார்கள். அங்கு அதிர்ச்சியூட்டும் பல திடுக்கிடும்
சம்பவங்கள் நடைபெறுகின்றன. அதை அவர்கள் வெளிச்சத்துக்கு கொண்டுவர
முயற்சிக்கும்போது, ஒருவர் பின் ஒருவராக கொலை செய்யப்படுகிறார்கள். முகம்
தெரியாத அந்த மர்ம கொலையாளி யார்? என்பதை கருவாக வைத்து ஒத்தக்குதிரை படம்
தயாராகிறது.
புதுமுகங்கள் திரு – அனுகிருஷ்ணா ஆகிய இருவரும் ஹீரோ, ஹீரோயினாக
அறிமுகம் ஆகிறார்கள். சந்தானபாரதி, `காதல் சரவணன் முக்கிய வேடங்களில்
நடித்து இருக்கிறார்கள். அகர் ஒளிப்பதிவு செய்ய, எஸ்.என்.அருணகிரி
இசையமைக்கிறார். கதை – திரைக்கதையை திரு எழுத, சக்திவேலன் வசனம்
எழுதியிருக்கிறார். டைரக்டர் ஜே.சீனிவாசன் இயக்கியுள்ளார். இவர் பாக்யராஜ்,
கவிகாளிதாஸ் ஆகிய டைரக்டர்களிடம் உதவி டைரக்டராக பணிபுரிந்தவர். இந்த
திகில் படத்தை ஓம் மீடியாஸ் தயாரிக்கிறது