காமெடி நடிகர்கள் – காரியதரிசிகள்-காண்டுவாதங்கள்!

இது, காமெடி நடிகர்கள் தங்களது காரியதரிசிகளால் கஷ்டத்திற்கு உள்ளாகும் காலம் போலும்! போதை வஸ்துவை தன் பெரிலேயே வைத்திருக்கும் கறுப்பு காமெடி நடிகர் தனது மாஜி மானேஜர் தன்னை கணக்கு வழக்குகளில் கண்டபடி ஏமாற்றி விட்டார் என வக்கீல், வழக்கு..என்று வம்பு, வழக்குகளில் காரியதரிசியை காய்ச்சி எடுக்க ஆரம்பித்துள்ளார் என்றால், காமெடி நடிகர் எம்.எஸ்.பாஸ்கருக்கும் காரியதரிசியுடன் காண்டு வாதம் ஏற்பட்டிருக்கிறது. ஆனால், இவர்களிடையே “கறுப்பு – காரியதரிசி” மாதிரி காசு, பணம் கணக்கு, வழக்கு காண்டு வாதமில்லை! காரியதரிசி கால்ஷீட் கேட்டு வருபவர்களை எல்லாம் அரட்டி உருட்டி மிரட்டுகிறார்..இதனால் வருகின்ற வாய்ப்புகள் எல்லாம் வாயிலோடு திரும்பி விடுகின்றன என்ற குற்றச்சாட்டுகள் காரியதரிசியை எம்.எஸ்.பாஸ்கர் கழற்றி விட காரணமாகி இருக்கிறது! அடப்பாவமே!!