அடுக்குமாடி வீட்டில் விபசாரம்: நடிகை சனா கான் கைது

பிரபல பாலிவுட் நடிகை சனா கான் மும்பையைச் சேர்ந்தவர். இவர் தமிழ்,
தெலுங்கு படங்களிலும் நடித்து உள்ளார். இவர் ‘சிலம்பாட்டம்’ படத்தில்
சிம்புவுக்கு ஜோடியாக நடித்து உள்ளார். ‘தம்பிக்கு எந்த ஊரு’ படத்தில் பரத்
ஜோடியாக நடித்து உள்ளார். மற்றும் ‘ஈ’, ‘ஆயிரம் விளக்கு’ போன்ற
படங்களிலும் நடித்து உள்ளார்.
இவர் நேற்று பெங்களூரில் விபசார வழக்கில் போலீசாரால் கைது
செய்யப்பட்டார். பெங்களூர் கோரமங்களா 6-வது பிளாக்கில் ‘அனிதா மிடோஸ்
அபார்ட்மெண்ட்’ உள்ளது. இங்கு விபசாரம் நடப்பதாக சித்தார்புரா போலீசுக்கு
தகவல் கிடைத்தது.

இதையடுத்து போலீசார் மாறுவேடத்தில் சென்று சோதனை நடத்த திட்டமிட்டனர்.
இதற்காக வாடிக்கையாளர் போல விபசார புரோக்கர்களை அணுகினர். அவர்கள் மூலம்
சில போலீசார் அந்த அடுக்குமாடி குடியிருப்புக்குள் சென்றனர். அங்கு
விபசாரம் நடப்பது உறுதியானது.

இதையடுத்து வெளியில் தயாராக நின்ற மற்ற போலீசாருக்கு ‘சிக்னல்’
கொடுத்தனர். அவர்கள் அதிரடியாக அந்த வீட்டுக்குள் புகுந்து விபசாரத்தில்
ஈடுபட்ட பெண்களை கைது செய்தனர்.

அப்போது விபசாரத்தில் ஈடுபட்ட நடிகை சனா கானும் சிக்கினார். சனா கானுடன்
விபசாரத்தில் ஈடுபட்ட வெளிநாட்டு பெண்கள் கொலிதா, நிமிதா, ஷோபி மற்றும்
மானேஜர் ரஷ்மி உள்பட 8 பேர் கைது செய்யப்பட்டனர். அவர்களிடம் இருந்து ரூ.
40 ஆயிரம் பறிமுதல் செய்யப்பட்டது. மேலும் 2 லேப்டாப், ஆபாசபட சி.டி.க்கள்,
கேமிரா, 12 செல்போன்கள் ஆகியவையும் பறிமுதல் செய்யப்பட்டது.

விபசார வழக்கில் சனா கான் கைது செய்யப்பட்டு இருப்பது திரை உலகில் பரபரப்பை ஏற்படுத்தியுள்ளது.