புன்னகையை இழந்த தமன்னா

இரண்டு ஹீரோயின்கள் சப்ஜெக்ட் என்றாலும் நடிக்கத் தயங்குவதில்லை த்‌ரிஷா. முக்கியத்துவம் இவருக்கு இருக்க வேண்டும் என்பது ஒன்றுதான் கண்டிஷன்.

ஜுனியர் என்டிஆ‌ரின் தம்முவைத் தொடர்ந்து ரவி தேஜா நடிக்கும் படத்திலும் த்‌ரிஷாவுடன் வேறொருவர் நடிக்கிறார். அவ்வளவு ஏன் தமிழில் ‌ஜீவா நடிக்கயிருக்கும் என்றென்றும் புன்னகை படத்திலும் இரண்டு ஹீரோயின்கள். ஒருவர் த்‌ரிஷா. இன்னொருவர்…. இந்த இன்னொருவர்தான் மேட்டரே.

வாமனன் அகமது இயக்கும் இந்தப் படத்தில் முதலில் த்‌ரிஷாவை ஒப்பந்தம் செய்தனர். அடுத்து அவர்களின் சாய்ஸ் தமன்னா. ஆனால் இப்போது தமன்னாவை கழற்றிவிட்டு லிசா ஹைடன் என்ற மாடலை ஒப்பந்தம் செய்திருக்கிறார்கள். இந்தத் திடீர் மாற்றத்துக்கு காரணம் என்னுடன் யார் வேணும்னாலும் நடிக்கலாம், தமன்னா தவிர என்று த்‌ரிஷா கூறியதுதான் காரணம் என்கிறார்கள்.

எது எப்படியோ புன்னகையில் தமன்னா இல்லை என்பது மட்டும் உண்மை.