ஆலிவுட் நடிகர் டாம் குரூஸ் விவாகரத்து: நடிகை கெதிஹோல்ம்சை பிரிகிறார்

பிரபல ஆலிவுட் நடிகர் டாம்குரூஸ் (49). இவர் நடிகை கெதி ஹோல்ம்ஸ் (33) என்பவரை கடந்த 2006-ம் ஆண்டு நவம்பர் மாதம் 3-வது திருமணம் செய்து கொண்டார். இவர்களுக்கு சூரி என்ற 6 வயது மகள் இருக்கிறாள். டாம்குருசுக்கு முன்னாள் மனைவி நிகோல் திட்மான் மூலம் பிறந்த 2 குழந்தைகள் உள்ளனர்.

இந்த நிலையில் இவர்களுக்கு இடையே திடீரென கருத்து வேறுபாடு ஏற்பட்டது. இதை தொடர்ந்து நடிகை ஹோல்ம்ஸ் டாம்குரூசிடம் இருந்து விவாகரத்து கேட்டு நியூயார்க் கோர்ட்டில் வழக்கு தொடர்ந்துள்ளார். இதன்மூலம் அவர்களின் 5 ஆண்டு கால திருமண வாழ்க்கை முறிகிறது.
இந்த தகவலை அவரது வக்கீல் ஜோனாதன் உல்பே தெரிவித்துள்ளார்.

நடிகை கெதி ஹோல்ம்ஸ்சின் இந்த முடிவால் டாம் குரூஸ் மிகவும் மன வருத்தம் அடைந்துள்ளதாக அவரது செய்தி தொடர்பாளர் தெரிவித்துள்ளார்.