விஜய் சேதுபதியின் பண்ணையாரும் பத்மினியும்

குறும் படம் எடுத்து நெடும் படம் (இப்படி சொல்லலாம் இல்ல…?) எடுக்க வருகிறவர்களுக்கும், வித்தியாசமான சப்ஜெக்டுடன் கோடம்பாக்கத்துக்கு வண்டியேறுகிறவர்களுக்கும் ஆபத்பாந்தவனாக இருப்பவர் விஜய் சேதுபதி.

பீட்சா, நடுவுல கொஞ்சம் பக்கத்த காணோம் படங்களுக்குப் பிறகு அதேபோன்ற வித்தியாசமான கதையமைப்பு கொண்ட இரு படங்களில் நடித்து வருகிறார். அடுத்த மாதம் வெளியாகும் பண்ணையாரும் பத்மினியும் படத்திலும் இவர்தான் பிரதான கேரக்டர்.

இந்தப் படத்தை இயக்குகிறவர் அருண் குமார். காதலில் சொதப்புவது எப்படி போலவே தான் எடுத்த குறும் படத்தை தட்டி நீட்டி திரைப்படமாக்கியிருக்கிறார்.

படத்தின் பெயரைப் பார்த்து ஏதோ பொண்ணு மேட்டர் போல என்று நினைத்தால் ஏமாந்தீர்கள். பத்மினி என்பது பி‌‌ரீமியர் பத்மினி கார். பண்ணையா‌ரின் பி‌‌ரீமியர் பத்மினி கார் மீதான மோகம்தான் படத்தின் கதையாம். இந்த ஒன் லைனே படத்தைப் பார்க்கும் ஆர்வத்தை தூண்டுகிறதல்லவா?

அலெக்ஸ் பாண்டியர்கள் தரும் நமைச்சலை இதுபோன்ற படங்கள்தான் தீர்த்து வைக்க வேண்டும்.