ஹிடன் கேமராவில் தயாராகும் கோமாலினி

கோமாளி என்று படித்தாலும் தவறில்லை. படப்பிடிப்பை நடத்தும் விதத்துக்கு அந்த பெயரும் பொருத்தமாகதான் இருக்கும்.

இந்தப் படத்தில் நடிகர் நடிகைகள் என்று யாரும் இல்லை. கேமராவை மறைத்து வைத்து போகிற வருகிறவர்களை எல்லாம் படம் பிடித்து அதனை திரைக்கதையாக்கி கோமாலினியை எடுக்கவிருக்கிறார்களாம். இப்படி ஹிடன் கேமரா – கேமராவை மறைத்து வைத்து எடுப்பது – மூலம் இதுவரை உலகில் எந்தப் படமும் எடுக்கப்பட்டது இல்லையாம்.

மறைந்திருந்து படம் பிடிக்கும் மாயம் காரணமாக மேக்கப் தொடங்கி படப்பிடிப்பு சாதனம்வரை இவர்களுக்கு எந்த தேவையும் இல்லை. இவர்கள் படம் பிடித்ததில் யாராவது ஆட்சேபம் தெரிவித்து கோர்ட்டுக்குப் போனால் என்ன செய்வார்கள் என்றுதான் தெரியாது. அமொரிக்காவில் இப்படி அனுமதி இல்லாமல் ஒருநபரை படம் பிடித்து படம் செய்தால் நஷ்டஈடாக சொத்தையே எழுதி வைக்க வேண்டிவரும்.

அரஸ் என்பவர் இந்தப் படத்தை இயக்குகிறார். நிஜ ஆவிகளிடம் பேசி அதையும் படத்தில் இடம்பெற செய்து ஆவிகளுக்கும் இந்தப் படத்தில் பங்களிப்பு செய்துள்ளோம் என்று அவர் சொல்லும் போது கொஞ்சம் பயமாகதான் இருக்கிறது (நாலடி தள்ளி நின்னுதான் பேசணும்).

படத்தை கோமாலி பாரடைஸ் – என்னா பெயர் பொருத்தம் – என்ற நிறுவனம் தயா‌ரிக்கிறது.