துறையூர் அருகே 100 நாள் வேலை திட்டத்தில் குறைவாக கூலி கொடுத்ததால் மறியல்

100 நாள் வேலை திட்டத்தில் ஊராட்சி செயலாளர் பொதுமக்களுக்கு கூலி குறைவாக கொடுப்பதை கண்டித்தும், ஒரு சிலருக்கு மட்டும் கூலியை உடனடியாக வழங்கிவிட்டு மற்றவர்களுக்கு பிறகு தான் தருவேன் என்று கூறியதாலும் 100 நாள் பணியில் ஈடுபடும் தொழிலாளிகள் சிலருக்கு அடையாள அட்டை வழங்கி அட்டையின் எண்களை பொதுக்கணக்கில் ஏற்றாமலும் அவ்வாறு கணக்கில் ஏற்ற வேண்டு மானால் ஒரு அட்டைக்கு 200 ரூபாய் பணம் தர வலியுறுத்திய ஊராட்சி செயலாளர் சரஸ்வதியை கண்டித்து பொதுமக்கள் சாலைமறியலில் ஈடுபட்டனர்.

அப்போது அந்த வழியாக பச்சமலை சென்ற முசிறி கோட்டாட்சியர் முகமது கமால்பாட்சா அவர்களிடம் விவரம் கேட்டறிந்தார். சம்பவ இடத்திற்கு வட்டார வளர்ச்சி அலுவலர் (ஊராட்சிகள்) மாணிக்கவேல், இன்ஸ் பெக்டர் தினேஷ்குமார், வருவாய் ஆய்வாளர்கள் ராமு, கோகுல் துணை தாசில்தார் அசோக்குமார் ஊராட்சித்தலைவர் தாமரை ஆகியோர் சென்று உரிய நடவடிக்கை எடுப்பதாக கூறியதின் பேரில் சாலை மறியல் கைவிடப்பட்டது.