இப்போதைக்கு அ‌‌ஜீத் படம் இல்லை – நழுவிய முருகதாஸ்

அ‌‌ஜீத் கூப்பிட்டால் எப்போ வேண்டுமென்றாலும் படம் இயக்குவேன் என்று புயலாக புறப்பட்ட முருகதாஸ், டைம் லேது, அ‌‌ஜீத் படம் இப்போதைக்கு இல்லை என்று பொசுக்கென்று பின் வாங்கியிருக்கிறார்.

விஷ்ணுவர்தன் படம், அடுத்து சிவா இயக்கும் படம் என இந்த ஆண்டு முழுக்க அ‌‌ஜீத் பிஸி. முருகதாஸும் அப்படிதான். இந்தி துப்பாக்கியை முடிக்கவே ஒரு வருடம் பிடிக்கும். இப்படியொரு சூழலில் அ‌‌ஜீத்தும், முருகதாஸும் இப்போதைக்கு இணைவதற்கான வாய்ப்பே இல்லை என்பதுதான் நிதர்சனம்.

அதுதவிர ராஜமௌலியைப் போல மாஸ் ஹீரோ இல்லாமலே ஜெயிக்க முடியும் என்பதை காண்பிப்பதற்காக புதுமுகங்களை வைத்து காதல் படம் எடுக்கும் விஷப்ப‌ரிட்சை வேறு தனக்குத்தானே வைத்துக் கொண்டிருக்கிறார் முருகதாஸ். இப்படி சொந்த காசில் சூன்யம் வைக்கும் வேலையும் இருப்பதால் அ‌‌ஜீத்துடன் இப்போதைக்கு எந்தப் படமும் இல்லை என்று தெ‌ரிவித்திருக்கிறார்.

வத்திக்குச்சி எப்போ பற்றிக் கொள்ளும்ங்கிறதை பொறுத்திருந்துதான் பாக்கணும்.