தொடரும் சற்குணத்தின் மலையாள டெலிவரி

கேரள நடிகைகளை தமிழில் அறிமுகப்படுத்துவதாக வரம் வாங்கி வந்திருக்கிறார் இயக்குனர் சற்குணம். முதலிரண்டு படங்களைத் தொடர்ந்து தனது மூன்றாவது படத்திலும் இவர் ஹீரோயினாக்கியிருப்பது ஒரு மலையாள புதுமுகத்தை.

சற்குணத்தின் முதல் படம் களவாணியில் ஓவியாவை அறிமுகப்படுத்தினார். இரண்டாவது படம் வாகை சூடவாவில் இனியா. தற்போது தனுஷை வைத்து நய்யாண்டி படத்தை இயக்குகிறார். இதில் தனுஷின் பெயர் சின்ன வாண்டு.

இந்தப் படத்தில் மலையாள நடிகை நஸ்ரியா நஜிமை ஒப்பந்தம் செய்திருக்கிறார். நஸ்ரியா நஜிம் பாசில் இயக்கிய ஒருநாள் ஒரு கனவு படத்தில் ஸ்ரீகாந்தின் தங்கையாக நடித்தவர். இப்போது ஹீரோயினாக நய்யாண்டியில் அறிமுகமாகிறார்.

அடுத்தப் படத்திலாவது சற்குணத்தின் டேஸ்டுக்கு ஏற்ற நாயகி தமிழச்சியாக அமையட்டும்.