பப்பிலஹரியின் வினோதம்

பிரபல ஹிந்தி பட இசையமைப்பாளர் பப்பிலஹரி, விரைவில் வெளியாகவுள்ள, ஒரு தமிழ் படத்தில், “டிஸ்கோஎன்று துவங்கும் பாடலை, தமிழிலேயே, பாடியுள்ளார். சமீபத்தில் சென்னை வந்திருந்த அவர், இது தொடர்பான ஒரு விழாவில் பங்கேற்றார். அப்போது, அந்த பாடலின் ஒரு சில வரிகளை பாடிக்காட்டி, அனைவரின் பாராட்டுகளையும் பெற்றார். அவர் கூறுகையில்,”நான் திரையுலகுக்கு வந்து, 40 ஆண்டுகள் ஆகி விட்டன. 40வது ஆண்டு துவக்கத்திலேயே, தமிழ் பாடலை பாடியிருப்பது, சந்தோஷம் அளிக்கிறது. நான் எங்கு சென்றாலும், இது நாள் வரை, பாதுகாப்பு படையுடன் தான் செல்வது வழக்கம். ஆனால், முதல் முறையாக, இப்போது தான், சென்னைக்கு, தைரியமாக தனியாக
பாதுகாப்பின்றி வந்துள்ளேன். அந்த அளவிற்கு தமிழகத்தின் மீது, எனக்கு நம்பிக்கை உள்ளது.

என் உயிருக்கு அச்சுறுத்தல் இருப்பதாகவும், அதனால் தான், பாதுகாவலர் படை சூழ, நான் வலம் வருவதாகவும், சிலர் நினைக்கின்றனர். அது தவறு. எப்போதுமே, என் உடலில், இரண்டு கிலோவுக்கு மேல், தங்க நகைகள் அணிந்திருக்கிறேன். அதற்காக தான், இந்த பாதுகாப்பு என, ரகசியத்தை உடைத்தார்.