25 லட்சம் கொடுத்தாதான் வருவேன்

சமீபகாலமாக தமிழில் நடிகர் வடிவேலுக்கு வாய்ப்புகள் எதுவும் வரவில்லை. இந்நிலையில் அமெரிக்காவில் தமிழ்ச் சங்கம் நடத்தும் விழா ஒன்றில் பங்கேற்க அழைப்பு வந்தது. இந்நிகழ்ச்சியில் கலந்து கொள்வதாக நடிகர் வடிவேலுவும் ஒப்புக்கொண்டுள்ளார். ஆனால், தற்போது நிகழ்ச்சியில் கலந்து கொள்வதற்காக ரூ.25 லட்சம் வடிவேலு கேட்டுள்ளதாக கூறப்படுகிறது.

இதுகுறித்து அமெரிக்காவில் இருந்து விழாக் குழுவை சேர்ந்த ஒருவர் கூறும்போது, வடிவேலு ரூ.25 லட்சம் கேட்பார் என்று நாங்கள் எதிர்பார்க்கவில்லை. இவ்வளவு பணத்தை கொடுத்து வடிவேலுவை விழாவுக்கு அழைத்து வர யாருக்கும் விருப்பம் இல்லை. எனவே வடிவேலு இல்லாமலேயே விழாவை நடத்த முடிவு செய்துள்ளோம் என்று கூறியுள்ளார்.