பில்லா 2 வில் நடனமாடும் யுவன்

பில்லா 2 படத்தின் இசையை யுவன்சங்கர் ராஜா அமைத்துள்ள நிலையில், தற்போது ஒரு புதிய தகவல் வெளியாகியுள்ளது. அதாவது பில்லா 2 படத்தில் ஒரு பாடலுக்கு யுவன்சங்கர் ராஜா நடனமாடியுள்ளதாக தெரிகிறது.

பில்லா 2 படம் அஜீத் ரசிகர்களால் அதிகம் எதிர்பார்க்கப்படும் படமாக உள்ளது. இப்படத்தைப் பற்றி வரும் செய்திகளும், அதனை அதிகமாக்கும் வகையிலேயே உள்ளன.

இந்த நிலையில், பில்லா 2 படத்திற்கு அதிக கவனம் செலுத்தி இசை அமைத்துள்ள யுவன் சங்கர் ராஜாவை இப்படத்தில் ஒரு பாடலுக்கு நடனமாட வைக்க திட்டமிட்டேன். ஆனால் அவ்வளவு எளிதாக அவரை சம்மதிக்க வைக்க முடியவில்லை. இறுதியாக எனது முயற்சி வெற்றி பெற்றுள்ளது. நிச்சயம் அந்த பாடல் ரசிகர்களை அதிகமாக கவரும் என்று படத்தின் இயக்குநர் சக்ரி தொலேடி கூறியுள்ளார்.

இம்மாத இறுதியில் அல்லது மே மாத துவக்கத்தில் பில்லா 2 இசை வெளியீடு நடைபெற உள்ளது.