தேசிய நெடுஞ்சாலையை கொடுக்க மறுப்பு

சித்தார்த்தை வைத்து வெற்றிமாறன் அடுத்த படத்தை இயக்க திட்டமிட்டுள்ளார். தயாநிதி அழகிரி தயாரிக்கும் இப்படத்திற்கு தேசிய நெடுஞ்சாலை என்று பெயரிட முடிவு செய்து பெயரை பதிவு செய்ய சென்ற போதுதான் அப்பெயர் ஏற்கனவே பதிவு செய்யப்பட்டுவிட்டது தெரிய வந்தது.

பெயரை பதிவு செய்தவர்கள் யார் என்று விசாரித்ததில், பவர் ஸ்டார் என்று தனக்குத்தானே பட்டம் சூட்டிக் கொண்ட டாக்டர் ஸ்ரீனிவாசன், ஆம். அவரேதான்.. லத்திகா, ஆனந்த தொல்லைப் படங்களின் நாயகனாக நடித்து தமிழ் ரசிகர்களின் மனதில் நீங்கா இடம் பிடித்த அவர்தான் தேசிய நெடுஞ்சாலைப் பெயரை பதிவு செய்துள்ளார்.

உடனே இயக்குநர் வட்டாரம் ஸ்ரீனிவாசனை தொடர்பு கொண்டு பெயரை எங்களுக்கு விட்டுக் கொடுக்கும்படி கேட்க, அவரோ, படத்தில் நானும், சங்கவியும் நடிக்க ஒப்பந்தமாகி, படப்பிடிப்பும் முடிந்து விட்டது. தேசிய நெடுஞ்சாலைப் படம் இன்னும் சில நாட்களில் வெளியாக உள்ளது. எனவே படத்தின் பெயரை மாற்ற முடியாது என்று சொல்லிவிட்டாராம்.

தலையை குனிந்தபடி திரும்பியுள்ளது படக்குழு.