மிக பிரம்மாண்டமாக உருவாகிறது முகமூடி கிளைமேக்ஸ்

ஜீவா நடித்து வரும் முகமூடி திரைப்படம் பற்றி நாம் ஏற்கனவே நிறைய சொல்லியிருக்கிறோம். ஆங்கிலப் படங்களில் வரும் சூப்பர் மேனுக்கு இணையான கதாபாத்திரத்தில் ஜீவா நடிக்கிறார்.

இப்படக்குழு ஓராண்டுக்கும் மேலாக இரவில்தான் பணியாற்றி வருகின்றன. காரணம், இப்படத்திற்கான பல காட்சிகள் இரவில் நடப்பது போன்று கதை அமைக்கப்பட்டுள்ளது.

இந்த நிலையில், முகமூடி படத்திற்கான கிளைமேக்ஸ் காட்சி காரைக்குடியில் படமாக்கப்பட்டு வருகிறது. சுமார் 250 தொழில்நுட்பக் கலைஞர்கள் இந்த படப்பிடிப்பில் கலந்து கொண்டுள்ளனர். மிகப் பிரம்மாண்டமாக உருவாகி வருகிறது முகமூடி கிளைமேக்ஸ் என்கிறது படக்குழு.