ரத்தின பாராட்டு வாங்கிய கௌதம்

பொதுவாக மோதிரக் கையால் குட்டுப் படணும் என்று ஒரு பழமொழி உள்ளது. அதற்கேற்ப, தமிழ் சினிமாவில் சில முக்கிய இயக்குநர்களிடம் திட்டு வாங்கினால் கூட அவர்கள் பெரிய ஆளாகிவிடுவார்கள் என்று கூறப்படுகிறது.

இந்த நிலையில், இதுவரை யாரையும் வாய்விட்டு பாராட்டியே பழக்கப்படாத மணிரத்னம், புது முக நடிகர் ஒருவரை பாராட்டியுள்ளார் என்றால் நிச்சயம் அது அதிசயமான ஒரு விஷயம்தானே.

மணிரத்னம் தற்போது கார்த்திக்கின் மகன் கௌதமை வைத்து கடல் என்ற படத்தை இயக்கி வருகிறார். பொதுவாக மணிரத்னம் ஒவ்வொரு காட்சியையும் உணர்வுப் பூர்வமாக விளக்கிவிட்டு, நடிகர்களையே நடிக்க சொல்வார். இவர் எவ்வாறு நடிக்க வேண்டும் என்று நடித்துக் காட்ட மாட்டார்.

அதேப்போல, காட்சி சரியாக வந்துவிட்டால், ஓகே என்ற ஒரு வார்த்தையைத் தவிர வேறு எதையும் உங்களால் எதிர்பார்க்க முடியாது.

ஆனால் கடல் படத்தின் படப்பிடிப்பின்போது கௌதமின் நடிப்பப் பார்த்து வெல்டன் என்று நான்கு எழுத்துக்களை உச்சரித்துள்ளார் ரத்னமான இயக்குநர்.

இந்த வார்த்தையைக் கேட்ட கௌதம் மட்டும் அல்ல படக்குழுவே ஆச்சரியத்தில் மூழ்கிப் போயுள்ளதாம்.