சச்சினின் பேட் கிடைத்தது எப்படி: த்ரிஷா விளக்கம்

சமீபத்தில் தனது பிறந்தநாளைக் கொண்டாடிய நடிகை த்ரிஷாவிற்கு கிரிக்கெட் வீரர் சச்சின் டெண்டுல்கர் கையெழுத்திட்ட பேட் பரிசாக கிடைத்துள்ளது.

இந்த பரிசினை நான் மிகவும் பத்திரமாக பாதுகாப்பேன் என்று சச்சின் ரசிகையான த்ரிஷா கூறியுள்ளார்.

மேலும், இந்த பேட் தனக்கு எவ்வாறு கிடைத்தது என்பதை அவரே விளக்கினார். நான் அவிவா காப்பீட்டு நிறுவனத்தில் இன்சூரன்ஸ் எடுத்துள்ளேன். அதன் விளம்பரத் தூதராக சச்சின் டெண்டுல்கர் உள்ளார். அவிவா நிறுவனம், தனது சில முக்கிய வாடிக்கையாளர்களுக்கு சச்சின் கையெழுத்திட்ட பேட்டை பிறந்த நாள் பரிசாக அளிக்க திட்டமிட்டது. அந்த ஒரு சில முக்கிய நபர்களில் நானும் ஒருத்தியாக அமைந்துவிட்டேன் என்கிறார் பூரிப்புடன்.

தற்போது விஷாலுடன், சமர், ஜீவாவுடன் என்றென்றும் புன்னகை, ஜெயம் ரவியுடன் பூலோகம் ஆகிய படங்களில் த்ரிஷா நடித்து வருகிறார்.