பிரசன்னா-ஸ்நேகாவை சந்தித்த ரஜினி

தமிழ் திரைப்பட நட்சத்திர ஜோடிகளான பிரசன்னா-ஸ்நேகாவை சூப்பர் ஸ்டார் ரஜினிகாந்த் நேற்று சந்தித்து வாழ்த்துக்களை தெரிவித்துக் கொண்டார்.

கோச்சடையான் படப்பிடிப்புக்காக ஹாங்காங் சென்றிருந்த ரஜினிகாந்த், பிரசன்னா-ஸ்நேகா திருமண நிகழ்ச்சியில் பங்கேற்க முடியாமல் போனது.

எனவே, வெளிநாட்டுப் பயணம் முடிந்து சென்னை திரும்பியதும், பிரசன்னா-ஸ்நேகா தம்பதிகளை நேரில் சந்தித்து வாழ்த்துக்களைக் கூறிய ரஜினிகாந்த், ஆயில் பெயின்டிங்கில் வரைந்த தான் வணங்கும் ராகவேந்திரரின் உருவப் படத்தை பரிசாக வழங்கியுள்ளார்.

எங்களது இனிமையான வாழ்க்கையை துவக்கும் போது சூப்பர் ஸ்டார் கொடுத்த பரிசு மிகவும் முக்கியத்துவமானது என்று பிரசன்னா கூறியுள்ளார்.