துப்பாக்கியில் நான் நடிக்கவில்லை : சரத்

துப்பாக்கிப் படத்தில் மிக முக்கியக் கதாபாத்திரத்தில் சரத்குமார் நடிப்பதாக செய்திகள் வெளியாகியிருந்தன. ஆனால் அதில் உண்மையில்லை என்று சரத்குமார் மறுத்துள்ளார்.

இதுவரை துப்பாக்கிப் படக்குழுவைச் சேர்ந்த யாருமே என்னிடம் தொடர்பு கொண்டு பேசவில்லை. அப்படத்தில் நான் நடிப்பதாக வந்த செய்தியைப் பார்த்து நானே அசந்து போய்விட்டேன். அதில் உண்மையில்லை என்று கூறியுள்ளார்.

தற்போது கோச்சடையான், விடியல் மற்றும் மலையாளம், கன்னடப் படங்களில் பிசியாக நடித்துக் கொண்டிருக்கும் சரத், விடியல் படப்பிடிப்பு ஸ்நேகாவிற்காக தள்ளிப்போடப்பட்டுள்ளது. அவர் வந்ததும் படப்பிடிப்பு துவங்கும் என்று கூறியுள்ளார்.