நடிகர் திலீப் இன்று காலை உயிரிழந்தார்

திரைப்பட நடிகர் திலீப் இன்று உடல் நலக் குறைவால் உயிரிழந்தார். மைசூரில் உள்ள தனியார் மருத்துவமனையில் சிகிச்சை பெற்று வந்த திலீப், இன்று காலை உயிரிழந்தார். அவருக்கு ஒரு மனைவி மற்றும் மகள், மகன் உள்ளனர்.

18 நாட்களுக்கு முன்பு சிறுநீரகம் செயலிழந்து உடல் நிலை பாதிக்கப்பட்ட திலீப் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில், இன்று காலை அவரது உயிர் பிரிந்தது.

திலீப்பின் வீட்டில் அவரது உடல் இறுதி அஞ்சலிக்காக வைக்கப்பட்டுள்ளது. இவர் வறுமையின் நிறம் சிவப்பு, சம்சாரம் அது மின்சாரம் உள்ளிட்ட திரைப்படங்களில் நடித்தவர் என்பது குறிப்பிடத்தக்கது.