விஸ்வரூபம் படத்தில் கமல்ஹாசனின் சம்பளம் ரூ.45 கோடி

கமல்ஹாசன் நடிப்பில் பிரமாண்டமாக தயாராகி வரும் படம் விஸ்வரூபம். படத்தில் கமல் ஹாசன் கதக் கலைஞர், தீவிரவாதி உள்ளிட்ட பல்வேறு விதமான கெட்டப்பில் நடித்து வருகிறார். கமலை ஹாலிவுட் தளத்திற்கு கொண்டு சென்றுள்ள விஸ்வரூபம் திரைப்படம், மெகா பட்ஜெட்டில் தயாராகி வருகிறது. தமிழ்திரையுலகம் மட்டுமின்றி இந்திய திரையுலகத்தின் எதிர்பார்ப்பும் தற்போது விஸ்வரூபம் திரைப்படத்தை பற்றிதான். இந்தப் படத்தின் வியாபாரம் மட்டும் ரூ.120 கோடியைத் தாண்டும் என்கிறது சினிமா வட்டாரம். அதே நேரத்தில் கமல்ஹாசனுக்கு சம்பளமாக மட்டும் ரூ.45 கோடி வரை தரப்பட்டது என்கிறது தயாரிப்பு வட்டாரம். ஆண்ட்ரியா, பூஜா குமார், ராகுல் போஸ் உள்ளிட்ட பலர் நடித்துள்ள இப்படத்திற்கு சங்கர் எசான் லாய் என்பவர் இசையமைத்துள்ளார். சனுஜான் வர்கீஸ் ஒளிப்பதிவு செய்துள்ளார்.