வெற்றிப்படமாக உருவெடுக்கிறது பீட்சா

கார்த்திக் சுப்புராஜ் இயக்கத்தில் உருவான பீட்சா படம் தற்போது திரையரங்குகளில் வெற்றிகரமாக ஓடிக் கொண்டிருக்கிறது.

விஜய் சேதுபதி மற்றும் ரம்யா நம்பீசன் நடிப்பில் உருவான காதல் கதையான பீட்சா, தமிழ் ரசிகர்களின் எதிர்பார்ப்பை நிறைவு செய்யும் விதத்தில் அமைந்துள்ளது.

மனதை வருடும் இசை, திறமையான கேமரா கையாடல், நன்கமைந்த வசனம் என பீட்சாவின் ருசிக்கு ருசி சேர்த்துள்ளன. தமிழ் ரசிகர்களின் எதிர்பார்ப்பை பூர்த்தி செய்ததும், தொடர் விடுமுறை காலத்தில் சரியான நேரத்தில் வெளியிட்டதும் பீட்சாவின் வெற்றிக்கு காரணமாக அமைந்து விட்டன.

திரையிட்டபோது வெறும் 100 திரையரங்குகளில் ஓடிக் கண்டிருந்த பீட்சா தற்போது 180 திரையரங்குகளாக உயர்ந்துள்ளது.

புதிய முகங்கள் மற்றும் ஆங்கில தலைப்புடன்,படுபயங்கர விளம்பரங்கள் என்றில்லாமல் அமைதியாக வந்த பீட்சா, வெற்றிப்படமாக உருவாகியிருப்பது தமிழ் திரையுலகுக்கு ஆறுதலை ஏற்படுத்தியுள்ளது.